Seljord skule og aktivitetspark

Uteområdet framom Seljord ungdomsskule og Seljord barneskule er ein viktig og svært synleg plass i Seljord sentrum. Den avlange, flate plassen ligg mellom Brøløsvegen og skulebygningane med Kunstlåven og Seljord Hotell på kvar si side. Dette er eit offentleg område som både born, ungdom, kunstnarar, publikum til Kunstlåven, bygdefolk og tilreisande brukar. Dette er også det fyrste tilreisande med kollektivtrafikk møter når dei kjem til rutebilstasjonen som ligg rett overfor skulane. Vegen inn til ungdomsskulen er gjennomgangssone til Tussejuv Barnehage, Misjonshuset, Seljord symjehall og bø vid. Skule avd. Seljord.
Utforminga
Det er arbeidd med målsetjing om å skape vakre og funksjonelle rammer om leik og aktivitet.
Området skal bli meir tilgjengeleg for alle folk i bygda, også etter skuletid og på kvelden. Det vert arbeidd med grøne terrengformer og avgrensa flater som skal gje rom for ulik type aktivitetar. Pr idag er det plassert ein ballbinge ved ungdomsskulen. Fire møteplassar dannar utgangspunktet for plassering og utforming av kunstnarlege element som ein integrert del av utforminga. Desse vil forhalde seg til ulike aldersgrupper.