Tenestekonsesjon på brukarstyrt personleg assistanse (BPA)

Voss kommune inviterer med dette leverandørar til å søke om tildeling av konsesjon for levering av assistansetimar i ordninga brukarstyrt personleg assistanse (bpa), til brukarar i Voss kommune
føremålet med tenestekonsesjonsordninga er å leggje til rette for at brukarar av bpa skal få ein reell moglegheit til å velja leverandørar dei ynskjer skal utføra tenestene (brukarval). Samstundes skal ordninga bidra til å sikra at brukarane får hjelpa dei har krav på etter helse-og omsorgstjenesteloven og etter pasient- og brukerrettighetsloven.
Ein tenestekonsesjonsordning er ein forvaltningsmessig tildeling der oppdragsgjevar stiller vilkår for å godkjenne leverandørar. Ordninga fungerer slik at leverandørar som oppfyller gjevne tenestekonsesjonsvilkår etter søknad blir gjeven ein rett til å tilby bpa til Voss kommune. følgjande gjeld for ordninga:
· Alle leverandørar som oppfyller konsesjonsvilkåra og minimumskrava får sin søknad innvilga.
· Det er kun dei leverandørar som får innvilga sin søknad om konsesjon som skal levera tenester til brukarar i Voss kommune.
· Ein leverandør som har fått innvilga konsesjon vil kunne levera tenester til dei brukarane som vel vedkommande leverandør gjennom brukarval.
· Det føreligg ikkje noko kjøpsplikt frå Voss kommune.
Det gjeld like vilkår for leverandørane både i prosessen fram mot, og i sjølve tenestekonsesjonsordninga