Anbod 2016: Kjøp av transportteneste for biblioteka i Sogn og fjordane

Føremålet for utlysinga er å inngå tjenesteavtale på kjøp av transportordning for biblioteka i fylket. Fylkesbiblioteket har etter lova høve til å organisere lånesamarbeidet i fylket. Som del av dette har ein innført Samsøk – felles søk i bibliotekdatabasane i fylket – og arbeider for auka fjernlån av bøker og anna materiale mellom dei ulike biblioteka. Fjernlån er eit samarbeid mellom bibliotek, der biblioteka stiller samlinga si til disposisjon for lånarar ved andre bibliotek, både i fylket og nasjonalt. Ein del av fjernlånssamarbeidet er ei felles transportordning mellom biblioteka. Ei slik transportordning inneber forenkla rutinar, føreseielege transportkostnader, større flyt av media mellom biblioteka, og dermed betre service til lånarane. Forutan transport mellom biblioteka innan fylket vil ei slik transportordning også omfatte sending/transport av bøker og anna materiale til bibliotek utanfor Sogn og Fjordane, både nasjonalt og internasjonalt. på bakgrunn av dette ynskjer vi tilbod på ei transportordning mellom biblioteka. Sjå vedlegg 12 for oversikt over dei ulike biblioteka som skal omfattast av avtalen. Her er leveringsdagar og tidspunkt spesifisert.