Anskaffing av internkontrollsystem til Voss herad

Voss herad skal gå til kjøp eit internkontrollsystem. Avtalen gjeld for løpande levering av system over internett (SaaS).
løysinga skal blant anna innehalde dokumentstyring, avvikshandtering, risikovurdering, årshjul og sjekklister.
Internkontrollsystemet skal vera godt tilpassa heradet sine behov framover med tanke på fleksibilitet, totale kostnader og moglegheit for enkel skalering, både ved organisatoriske endringar i heradet samt moglegheiten til å utvide systemet sin funksjonalitet.
Systemet skal ivareta krava til internkontroll og skal gje tryggleik for heradet for at mål, rutiner og alt relevant regelverk blir etterlevd. Styringssystemet skal og gje ein tryggleik for alle brukarane, ved at det har innebygd personvern og innebygd informasjonstryggleik.
Brukarane av systemet skal oppleve god systemstøtte for arbeidsprosessane som naturleg inngår i alt arbeid med kontinuerleg forbetring, og skal byggje på heradet sin organisasjonsstruktur.
Ei nærmare skildring følgjer av vedlegg til konkurransegrunnlaget.