Anskaffing Totalentreprise VØR Miljøpark Melsgjerdet - Med delkontrakter

Volda/Ørsta Reinhaldsverk, vØr, skal etablere nytt anlegg for avfall på det nye næringsområdet Melsgjerdet i Ørsta. Fase 1 omfattar etablering av avfallsmottak for mat, restavfall og hageavfall. Det skal i denne fasa etablerast innkjøringsareal med bom og vekt, bygg for mottak og lagring, lastehall, vaskeanlegg og administrasjon, og det skal opparbeidast utomhusområde med manøverareal, utelagring og oppstilling. Vidare kan det vere naudsynt med støttemurar, og heile området skal vere sikra, inngjerda og ljossett. Byggeplassen ligg nært til lakseførande elv, og det er eksisterande landbrukseigedomar og bustadar i nærleiken. Byggeprosjektet er tenkt organisert som totalentrereprise. Anlegget skal stå ferdig og kunne takast i bruk 04/10-2019.