Dale sentrum

Dale sentrum skal byggast opp som ei miljøgate. Det vil seie at ein skal ha meir fokus på mjuke trafikantar og kollektiv transport. Dette ligg til grunn for den nye utforminga. Fortauet skal byggjast opp med kantstein og gå langs med Fv55. Dei eksisterande gatelysa langs vegen skal fjernast, og det skal settast opp nye gatelys langs fortauet. Det skal byggast ein einsidig tovegs busslomme. Denne skal byggast komplett med kanstein og taktile ledelinjer. Busslomma skal byggast med ein natursteinsmur inn mot eksisterande terreng. Det skal også vere parkeringsmoglegheiter i samband med busslomma. Den gamle kyrkjegardsmuren som vender ut mot fylkesvegen skal rivast då den kjem i konflikt med det nye fortauet, og det skal settas opp ein ny tosidig natursteinsmur langs fortauet inn mot kyrkjegarden. Nye va-leidningar er planlagd i fortauet, kor kantsteinssluk tek seg av avrenning frå vegen. Det ligg to eksisterande stikkleidningar over riksvegen innafor området, og desse må avdekkast, kartleggjast og koplast til den nye overvassleidningen.