Drift av hurtigbåtruter i Sogn og Fjordane frå 01.05.22

Eksisterande rutetilbod utgjer 18 ulike ruter, jf. (info fjernet). Variasjonen mellom desse er stor, både med tanke på reiseavstand, storleik på fartøy og passasjergrunnlag m. m. Nokre av desse rutene er også sesongbaserte. Det er førebels ikkje teke stilling til om denne rutestrukturen vert vidareført eller om det vert valt andre løysingar. Det kan bli aktuelt å dele opp anskaffinga i delkontraktar.
Regional transportplan for Sogn og Fjordane 2018-2027 set retning for komande konkurransar. Visjonen i denne planen er: «Å tilby eit effektivt, tilgjengeleg, sikkert og miljøvennleg transportsystem som dekker samfunnet sitt behov for transport og som fremmer regional utvikling.»
Regional transportplan for Sogn og Fjordane 2018-2027 set fokus på tiltak som reduserer klimagassutslepp. Det vil i komande anbod difor bli sett krav til klimareduserande tiltak, utan at omfang og løysingar er endeleg fastsett enno.
Oppstart av drift skal skje 01. 05. 22. Fylkeskommunen har ikkje tatt stilling til varigheita på kontraktane som skal setjast i verk. Dette vert bestemt før kunngjering av konkurransen.
Eksisterande ruter inkluderer skuleskyss og beredskap for ambulanseteneste. Skuleskyss vert ein del av komande avtalar. når det gjeld ambulanseteneste er dette ikkje avklart enno.