Feiing og tilsyn i Kvam herad

Feiing av piper skal minimum gjennomførast 1 gong pr. år, og totalt er det registrert i overkant av 3200 piper, enkle og doble, i Kvam. Om lag halvparten av desse er å finne i området Norheimsund – Øystese. Pipene har lengd frå 1 til 3 høgder og er av tegl eller element. Desse tala gjeld berre bustadhus og det er ikkje bustadhus i kommunen over 3 høgder. Kvart 4. år skal det dessutan gjennomførast tilsyn med fyringsanlegg i samsvar med Forskrift om brannforebyggende tiltak og tilsyn. Utført feiing og tilsyn skal registrerast på dags-rapport, som etter utgangen av kvar månad vert levert/er tilgjengeleg for brannsjefen saman med rekning for feiinga i samsvar med dags-rapporten. Sjå Konkurransegrunnlaget for meir informasjon om anskaffinga.