Kontrakt på delvis nullutsleppsdrift på hurtigbåtsambandet "Rutepakke 1" for Vestland fylkeskommune

Dagens kontrakt for drift av sambanda mellom Bergen og Nordfjord, Flåm og Sogn går ut
i april 2022. Fylkesutvalet i Vestland fylkeskommune vedtok i desember 2019 at den nye
driftskontrakten for desse sambanda skulle vere drifta med nullutsleppsløysingar frå
2024.
Administrasjonen har gjennom året 2020 gjennomført to høyringsrundar med marknaden
for å få innspel på korleis konkurransen og driftskontrakten for desse sambanda best kan
utformast for å oppnå dette målet, og for å forstå kva økonomiske og driftsmessige
konsekvensar eit slikt mål vil kunne medføre. Denne marknadsdialogen har så langt blitt
gjennomført i samarbeid med fylkeskommunane i Trøndelag, Nordland, Troms og
Finnmark.
Innspela fylkeskommunane mottok og vurderingane som vart gjort på bakgrunn av desse
innspela vart lagt fram for politisk handsaming i Vestland fylkeskommune den 29.
september 2020. Basert på dette saksframlegget vedtok Fylkesutvalet at ein for ny
driftskontrakt for sambanda Bergen-Nordfjord/Flåm/Sogn skal stille krav om bruk av
fartøy som nyttar nullutsleppsteknologi, men med opning for hybridelektriske løysingar.
Sjå vedlegg for meir utfyllande informasjon.