Midlertidig modulbygg til Gjernes skule

Gjernes skule er barneskule, som ligg 1, 5 km sør for Voss sentrum. Skulen ligg i naturlege omgjevnadar med god tilgang til friområde og til Vangsvatnet. Skulen er plassert lunt, ved bustadfeltet ved Gjernesmoen mot Bordalsgjelet, og har godt utsyn over Vossabygda. Skulen har 140 elevar fordelt på 7 klassar, og 23 tilsette skuleåret 23/24. Skulen treng eit klasserom til 25 born med tilhøyrande grupperom m. m. Bygget vil vere av midlertidig art med ein usikker tidshorisont, men anslått til 2-7 år, og er tenkt løyst med ein modulbygning. Voss herad ønskjer å leige modulbygningen/brakkeriggen som skal dekke behova til Gjernes skule for midlertidige undervisningslokale i minst 2 år.