Nye omsorgsbustader på Hardbakke - generalentreprise

Omsorgsbustadane er planlagt som to bygg sett vinkelrett på kvarandre, knytt saman med overdekt tak (svalgang). Bygningsdelen mot vest er planlagt på terreng med 3 sjølvstendige bueiningar på omlag 54 m2 bra og 2 mindre korttidsleilegheiter. Den andre bygningsdelen går over to etasjer og inneheld 4 sjølvstendige bueiningar på 54 m2 bra på hovudplanet. Underetasjen inneheld tekniske rom, boder til omsorgsbustadane, lager og garasje. Bustadane har felles uteterrasse og privat del av terrasse på terreng eller fransk balkong.
Prosjektet omfattar riving av 5 eksisterande omsorgsbustadar/rekkehus som ligg rett nord for Solundheimen. Dette området skal nyttast til ny parkeringsplass for Solundheimen. Området er tenkt nytta som riggområde i byggefasen.
Utomhusarealet omfattar ny avkøyrsle frå hovudvegen og herifrå ny tilkomstveg til Solundheimen og dei nye omsorgsbustadane, ny parkeringsplass der dei gamle omsorgsbustadane står, parkeringsareal til omsorgsbustadane og opparbeiding av hageareal/felles uteopphaldsareal.