Taksering av næringseigedomar til eigedomsskatteføremål

Gloppen kommune har vedteke at det skal haldast ny allmenn taksering av næringseigedomar, jf. Eigedomsskattelova § 8 a-3 (2). Kommunen har hatt eigedomsskatt på all fast eigedom sidan 2006. Innkjøpet sitt føremål er informasjonstenester og taksering av næringseigedomar slik at det kan skrivast ut eigedomsskatt for 2025 (dvs. før 28. 02. 2025). Tenesta skal leverast innan følgjande tidsrom: 01. 12. 2024 – 01. 02. 2025. Dersom tilbydaren ikkje kan levere tenesta innan den tida som er sett, skal dette gå klart fram av tilbodsbrevet. Dersom den tilbydde tida avvik så mykje frå den oppsette tidsramma at det vil gå ut over gjennomføring av eigedomsskattelegginga, kan tilbodet bli avvist. Det er høve til å gi inn tilbod på delar av oppdraget. næringseigedommane er i dette konkurransegrunnlaget delt opp i grupper etter type eigedom, og ein skal gje inn tilbod på dei gruppene av oppdraget ein har kompetanse og moglegheit til å utføre oppdraget på.