Sikringstiltak Skei - 2.gangs utlysing

På Skei skal det etablerast sikringstiltak for bustadfeltet Vikagarden. Det skal etablerast skredvollar som sikrar bustadområdet mot 1000-års skred. Skredvollane består av ein 320m lang fangvoll på tvers over bustadfeltet, med høgde 7, 5m i vestleg del og inntil 10, 5m inn mot leiveollen. Leievollen er 430m lang langsmed nordsida av feltet. Denne har 5m høgde nederst og 8m ovanfor bustadfeltet. Ovanfor kryssinga av skogsvegen er høgda 4m. Skogsvegen gjennom anleggsområdet skal leggast om i noko grad, og ein traktorveg heilt nedst på leievollen skal byggast om. To sett høgspentlinjer kryssar også området, ei 22kV tilhøyrande bkk as og ei 132kV tilhøyrande Linja as. Tre mastepunkt på bkk si linje skal hevast for å sikre nok avstand til vollane.