Utbetring av elvesikring Bondalselva

Ørsta kommune vil sette i stand den skada elveførebygginga i Bondalselva nedstraums Moakvennagrova. Tiltaket skal utførast i samsvar med vedlagte prosjektering frå Norconsult datert 22. 11. 2024. Arbeidet omfattar: - ei ny erosjonssikring på Holen- sida mot fylkesvegen over ei strekning på ca 80 meter, - sikring av skråningsfot/underbygging av eks erosjonssikring på Mo-sida der elvebotnen har slått seg ned og undergravd eksisterande sikring, - etablering av ny celleterskel for å stabilisere botnen og heve vasstanden for å sikre fiskeoppgang til sideelva Moakvennagrova. Celleterskel og erosjonssikring må knytast godt saman. nærmare omtale går fram av prosjekteringa til Norconsult datert 22. 11. 2024 med tilhøyrande snitt/teikningar som ligg vedlagt. Tilbydar må sjølv stille med stein til erosjonssikring og etablering av celleterskel utover det som kan gjenbrukast. Estimerte mengder i metodenotat er usikre og basert på observasjonar i felt og kartdata frå 2017 (før skaden som oppstod under Gyda i 2020 der elvebotnen senka seg med opptil 1, 5 meter). i teikningane som ligg ved er både terrengmodell og antatt eksisterande terreng markert. Arbeidet må utførast i løpet av august og september 2025. Det må påreknast rydding av nokre enkelte tre på Holensida. Kommunen vil sprøyte ein lokalitet med parkslirekne der celleterskelen skal forankrast i førebygginga på Holensida, i forkant av arbeidet. Tilkomst på/langs eksisterande driftsvegar. Areal til rigg og omlasting langs elva.