2019-23 Kjøp av rådgjeving og prosesshjelp retta mot fire pilotar i prosjektet "Reiseliv, mat og kultur"

I prosjektet "Reiseliv, mat og kultur i møre og Romsdal" er det plukka ut fire grupper av bedrifter som saman skal utvikle nye kommersielle opplevingstilbod. Desse "pilotane" består av minst ei bedrift i kvar av kategoriane reiseliv, mat og opplevingar. Som pilotprosjekt har samarbeidskonstellasjonen fått støtte frå Innovasjon Norge og møre og Romsdal fylkeskommune til arbeid med felles produktpakkar og marknadsføring. i tillegg til dette vil fylkeskommunen/prosjektet tilby pilotane kompetent rådgjeving og arrangere samlingar der dei fire pilotane får felles kompetanseheving og høve til å utveksle erfaringar. Til dette vil vi kjøpe inn ekstern prosessleiing.
Innkjøpet vil bestå av følgjande:
1. Planlegging og gjennomføring av 4-5 to-dagers samlingar der dei fire pilotprosjekta møtest til felles kompetansepåfyll og erfaringsutveksling
2. Inntil 50 timar enkeltvis rådgjeving til kvar av dei fire pilotane
Reiseutgifter skal inngå i totalsummen.
Det skal inngås kontrakt med èin leverandør for heile oppdraget.
Viser til anbudsdokumenta for utfyllande beskrivelse.