Ansk_DNT_LYS_22.1 - RØRLEGE LYSKASTARAR, HØGT SIDELYS HOVUDSCENEN

Vi ser etter rørlege lyskastarar til Hovudscenen som skal erstatte 18 stk. etc Revolution tungsten-profilar med scrollar som nyttast i dag og som skal virke som høgt sidelys («pipe-ends»). Dei 18 apparata (+ ei reserve) skal bli plassert jamt fordelt i rommet (5 stk djup x 4/2 stk brei) og det er vesentleg med homogene kjelder som kan gje ein jamn vask med dus overlapp over heile scenen med minst mogleg hotspot både frå lyskjegla men også i fargeblandinga. Samstundes skal dei også kunne nyttast separat eller som reine effektlamper. Dei vil like gjerne nyttast som gobovask eller til å skjere til sceniske element. Lampene skal nytte led-kjelde(r). Storleik og vekt bør vere som normalt for dette segmentet av lyskastarar. Teateret ønsker ei løysing som kan fungere i talestykke, som til dømes ein monolog, der minimal høyrbar vifte- og annan motorstøy blir vektlagt. Samstundes skal det nyttast på musikalar og arrangement der intensitet, respons og effekt er ønskeleg. Vi søker energieffektive løysingar.