Byggeleder for rehabilitering av fasade

Basert på ei tilstandsvurdering av bygget, vedtok dnt i 2018 å gå i gang med rehabilitering av fasadane. Til dette arbeidet søker vi ein rammeavtale med eit konsulent-/byggeleiarmiljø som kan bidra med byggeleiarressursar i form av to medarbeidarar med kompetanse innan dei ulike hovudelementa. Det vil bli inngått avtale med ein tilbydar, og dnt vil fortløpande foreta avrop etter behov. Det berekna omfanget av oppdraget som blir tildelt under rammeavtalen vil vere på 200 til 500 timar i året over ein periode på 2 til 4 år. Omfanget er likevel usikkert og tilbydar må rekne med at omfanget kan bli både mindre og større. Sjølve rehabiliteringsarbeidet er delt inn i nokre hovudelement, men omfanget og behovet er ikkje endeleg avklara og det kan bli aktuelt med andre arbeid knytt til fasadane. Hovudelementa er: • Utbetring av diverse betong- og teglarbeid. • Utbetring av beslag over vindauge. • Utbetring av lekkasjar gjennom tak.