Bygging av lite rom rundt varmtvasstank

Me hadde sist vinter ein vass-skade i hytta av di stoppekrana på varmtvasstanken fraus og vart utett. Denne skaden er utbetra, men det same kan skje igjen om det ikkje vert laga eit tørt og frostfritt rom rundt varmtsvasstanken. Tanken står i kjellaren på hytta, og der er det fuktig på grunn av innsig av vatn frå berget. Hytta står på ein murt ringmur heilt nedpå berggrunnen. Me ønskjer at det vert murt opp ei plate / golv under varmtvasstanken og laga isolerte vegger rundt (ca. 1 m2). Rommet må bli oppvarma anten ved at det vert lagt kablar i golvet som kan styrast av ein termostat, eller at det vert montert inn ei varmefjøl på veggen i rommet. Me vil gjerne også få hjelp til å utbetra luftinga i det store kjellarrommet av di ventilane som er der, ikkje gjev lufting nok.