Bygging av ny barnehage - optimal energiløysing for bygget sett i forhold til levetidskostnad - dialogkonferanse

Voss kommune deltar med pilotprosjekt i Nasjonalt program for leverandørutvikling, eit program i regi av nho og ks. Visjonen i programmet er å utnytte offentlege innkjøp på ein meir aktiv måte som stimulerer til konkurranse, næringsutvikling og innovasjon, for slik å leggje til rette for meir framtidsretta produkt og tenester til betre vilkår for offentlege kundar.
Voss kommune vil i samarbeid med Nasjonalt program for leverandørutvikling invitere til dialogkonferanse i samband med at ein av kommunen sine kommande innkjøp skal inngå som pilotprosjekt i programmet. Formålet med konferansen er å etablere tidlig dialog med markedet for på den måten å oppnå ein vellykka tilbodsrunde. målet med prosessen er å få frem alternative løysningar som skal bidra til mindre energibruk og meir effektiv drift av kommunen sin bygningsmasse. Den nye barnehagen skal ha lågast mogeleg levetidskostnader.
Voss kommune skal i etterkant av dialogkonferansen gjennomføre ein tilbodsrunde på bygging av ny barnehage på Lundhaugen der resultatet av denne dialogkonferansen inngår som ein del av anbodsunderlaget.
Dialogkonferansen blir gjennomført #URL0# 2012. Sjå vedlegget for meir informasjon.