Dialogkonferanse - Fugleskjærskaia - Ny kollektivterminal og nytt terminal-/kontorbygg

I Flora kommune sin kommunedelplan for Florø sentrum og detaljreguleringsplan for Fugleskjærskaia (plan-id: (info fjernet)) er det regulert eit større areal til offentleg kollektivhaldeplass. Det skal no byggast ny kollektivterminal og nytt terminal-/kontorbygg på Fugleskjærskaia. Ved å flytte rutebil¬stasjonen frå dagens plassering til Fugleskjærs¬kaia, vert det etablert eit sam¬lokalisert kollektiv¬knute¬punkt der brukarane vil få saumlaus overgang mellom alle transportmiddel på land og sjø. Flora hamn har inngått intensjonsavtale med fylkeskommunen om kollektivterminalen.
Dagens bygningsmasse består av to lagerbygg og kontorbygg og eit bygg som husar ein dieseltank. Bygga er utdaterte og skal rivast. Det skal etablerast eit nytt terminal-/kontorbygg som med si utforming vil verte eit landemerke i innseglinga til Florø. Det vert venterom i 1. Etasje og Flora hamn kf skal ha kontorplass i bygget. Øvrig areal skal leigast ut til andre leigetakarar. Bygget er teikna 5 etasjar høgt og vil ha eit lite fotavtrykk for å frigjere mest muleg bakkeareal til gode løysingar knytt til kollektivtrafikken og anna ferdsel på området. Alt av infrastruktur i bakken som vatn, avløp, straum og eventuelt drivstofforsyning må takast samstundes og det må leggast til rette for framtidas drivstoffkjelder.
Prosjektet sitt utandørsareal er på ca 8 000 kvm, og sjølve terminal-/kontorbygget er på 1 800 kvm bta. i tillegg skal det byggast eit lager-/teknisk bygg aust for kontorbygget.