Digitalt årshjul for Stad kommune

Eid kommune og Selje kommune vil frå 01. 01. 2020 saman utgjere Stad kommune. Nye Stad kommune har behov for eit digitalt årshjul som legg til rette for at tilsette får oversikt og ser sine oppgåver i ein større samanheng. Det er vesentleg at det digitale årshjulet skal gjere det enklare for dei tilsette å samhandle og planlegge arbeidet ut frå ei større innsikt i korleis ting heng saman på tvers i organisasjonen.
løysinga må legge til rette for:
• At overordna mål i større grad vert integrert hos den enkelte tilsette i det daglege arbeidet
• Auka medvite kring prioritering av resultat utover eige ansvarsområde
• Etablering av betre praksis for samhandling (spesielt tverrfagleg/tverrsektoriell)
Gjennom eit vellukka ofu-prosjekt har Eid kommune, saman med fem andre kommunar og Munikum as, utvikla Munikum Årshjul. Programmet er skreddarsydd for kommunar sine behov og tilpassa det offentlege systemet. i prosessen har kommunane fått auka fokus på viktigheita av koplinga mellom tekniske funksjonar og tenester som bidreg til faktisk gevinstrealisering ved bruk av digitale verktøy. For at kommunen skal oppnå samhandling gjennom bruk av eit digitalt årshjul, ser ein det difor som viktig at leverandøren tilbyr ei heilskapleg løysing.
Samla sett etterlyser vi difor eit digitalt årshjul med gode innebygde funksjonar for samhandling og at leverandøren ikkje berre gir teknisk opplæring, men også gir støtte til endringsarbeid og opplæring i medtodar for samhandling som ein del av løysinga over tid.
Med utgangspunkt i punkta over, har kommunen gjennomført ei konkret vurdering opp i mot kvart enkelt krav for å undersøke kva som vert tilbydd i marknaden per i dag. Kommunen har sett at fleire leverandørar tilbyr digitale årshjul, men at ingen av disse kan tilby ei heilskapleg løysing, jf ovannemnde beskriving av behov.
Etter ei grundig vurdering er konklusjonen til kommunen at det berre er ein leverandør som kan tilby ei heilskapleg teneste som møter dei krava som kommunen har. Munikum as kan levere ei heilskapleg teneste som både legg til rette for digital samhandling på tvers, støttar opp under prosessar knytt til etablering av metodar for samhandling og tilbyr konkrete målbare indikatorar for gevinstar.