Drift og etablering av breibandnett Kandal

Gloppen kommune, heretter kalla oppdragsgjevar, skal starte utbygging av eit framtidsretta breibandnett i Kandal. Kommunen vil her gje eit vederlag for å få utbygd breiband i Kandal. Dette er såleis ei tenestekonsesjonskontrakt der utbygger får eit tilskot for å byggje ut breiband og får retten til å utnytte tenesta, sjå her definisjonen i forskrift til lov om offentlege anskaffingar (foa) § 4-1, 1. Ledd bokstav e). Ved at dette er ei tenestekonsesjonskontrakt vil ikkje forskrift til lov om offentlege anskaffingar gjelde, jf. foa § 1-3, 2, ledd bokstav j). Lov om offentlege anskaffingar (loa) vil gjelde og dermed også dei grunnleggjande krav til innkjøp i loa § 5. For å ivareta desse krava har oppdragsgjevar valt å følgje reglane i foa del ii for kjøp under eØs-terskelverdi. Gloppen kommune vil bygge ut og leggje til rette for at private og næringsverksemde i Kandal skal kunne knyte seg til eit kraftfullt og framtidsretta breibandnett, et såkalla «next generation access network» (nga). Formålet med utlysinga er å inngå kontrakt om etablering av eit framtidsretta breibandnett med leveranse av innhaldstenester til husstandar og verksemder i Kandal (sjå vedlegg 1 – kart). Det skal ikkje vere binding til kjøp av innhaldstenester utover generell internett-tilgang. Utbyggjar eig og er ansvarleg for drifta av infrastrukturen.