Førstelinjeteneste for næringsutvikling og etablerarrettleiing for 2021-2024 - Med delkontrakter

Kommunane har plikt å kunne tilby informasjon og rettleiing til nyetablerte bedrifter/start-ups. mål for kommunane sin førstelinjeteneste er at alle nyetablerarar i kommunen skal få tilbod om rettleiing av god kvalitet, dei skal få tilbod om relevant opplæring i alle fasar av ei bedriftsetablering (0-3 år) og gjennom dette vil kommunane bli meir attraktiv for nyetablerarar. førstelinjetenesta skal gi etablerarrettleiing og jobbe for næringstilflytting (første kontaktpunkt for etablerte verksemder som vurderer å etablere seg her).
Det er viktig å kunne tilby gode lokalar for rettleiing og vere tilgjengeleg der verksemdene er.
Krav til førstelinjetensta:
- Etablerarrettleiing til alle typar næringar, herunder også tilleggsnæring til landbruket- Avklare kva etableraren treng av rådgjeving etc og rettleie i utarbeiding av forretningsplan
- Ha kjennskap til å bruke nettverk som næringshagar og kunnskapsparkar, innovasjon Norge, finansmiljø etc
- Bygge kompetanse ved å marknadsføre lokale tiltak, utvikle og drifte verktøy for etablerarrettleiing og utvikle kurspakkar etc.
- Arbeidet skal gjerast i godt samarbeid med kommunen med krav til profilering og rapportering.
Medvind er godt etablert og ein sterkt forankra næringsaktør lokalt. næringshagen har særs god kjennskap til lokalt og regionalt næringsliv. Med sine medlemsbedrifter, eigarar og samarbeidspartnarar har Medvind eit stort og breitt nettverk innan både offentleg og privat næringsliv, som dei drar nytte av i arbeidet med nyetablerarar og start-ups i distriktet.
Medvind har hatt førstelinjetenesta i Vindafjord kommune i mange år, og har levert gode tenester til alle som har tatt kontakt. Medvind har dermed etablert seg som ein naturleg rådgjevarfunksjon for både nyetblerarar og eksisterande næringsverksemd.
Medvind næringshage har god kvalitet på tenesta ved at den ansvarlige rettleiaren er fagleg oppdatert og deltek på kompetansehevande tiltak. Dei utarbeidar profileringsmateriell for synliggjering av tenestene til målgruppene og driv med marknadsføring av lokale tiltak. Vidare utviklar og driftar dei verktøy for kommunikasjon, etableraroppfølging og resultatmåling. Dei utviklar og held ulike kurspakker for etablerar og driv aktivt med kompetanseheving. Dei utførar næringsfagleg vurderingar, driv med nettverksbygging og kan gi god informasjon om ulike støtteordningar. Medvind er og ein pådrivar og fasilitator for å utvikla nye næringsareal i Vindafjord.
Medvind næringshage har som målsetjing å vera ein attraktiv samlingsplass og knutepunkt. Dei har hovudkontor i Ølensvåg, men med avdelingskontor både i Etne kommune og Sandeid.
Årleg verdi på avtalen er kr. 300000 for Vindafjord og kr. 130000 for Etne.
Basert på dei undersøkingane kommunen har gjort konkluderer me med at Medvind næringshage as er den einaste leverandøren som kan tilby tenesta etter krava som kommunen har til førstelinjeteneste.
Kommunen har difor som intensjon å inngå kontrakt etter den 28. 05 dersom det ikkje kjem innvendignar på kontraktinngåinga. Dersom det er innvendingar kan desse sendas til (info fjernet) med kopi til (info fjernet) innan den 28. 05 kl. 12