Fleksibel transport, Tertnes

Skyss er Vestland fylkeskommunes mobilitetseining som utviklar, planlegg, kjøper og marknadsfører dei kollektivtransporttenester som Vestland fylkeskommune har ansvar for. Skyss tildeler kontraktar for køyring av buss, bybane, båt og ferjer og drosjer i Vestland etter anbodskonkurransar. Skyss ønsker tilbod på drift av pilot på bestillingstransport i Tertnes-området. Piloten inkluderer drift av eit køyretøy med sjåfør og eit komplett system for handtering av transport-bestillingar og automatisk planlegging av transport. Skyss ønsker å tildele éin kontrakt som inkluderer hele tenesta (system, materiell og sjåfør), og vil berre inngå kontrakt med éin tenesteleverandør. Det er ikkje opna for deltil-bod med separat evaluering og rangering for system og drift. Hovudmålet med bestillingstransport på Tertnes er å gje eit tilbod som er tilpassa eldre og andre menneske med behov for tilrettelagt transport. Det er ønskeleg at målgruppa gjennom dette tilbodet, lettare skal kunne nytte ser-vicefunksjonar / aktivitetar i området kor tenesta vert drifta. Gjennomføring av oppdraget skal være tilpassa dette. Tilbodet skal gjennomførast som eit supplement til ordinære rutebussar i området. Avtalen skal gjelde frå 5. Oktober 2022 for køyring og i 2 – to – år. Oppdragsgjevar skal ha opsjon på forlenging av avtalen i ytterlegare 1 + 1 år.