Fv. 5098 Lauvbrua

Fylkesveg 5098 kryssar Krossdalselvi via bru mot Øvre Krossdalen. Dagens bru er smal og underdimensjonert for trafikken som kryssar brua. Eksisterande elementbru skal rivast, og ny elementbru med totalspenn på om lag 17 meter og breidde 5, 4 meter skal etablerast. då den nye brua vil ligga høgare enn eksisterande bru, må fylkesvegen hevast mot begge endar av brua. For å sikra tilkomst til eigedommane i Øvre Krossdalen i anleggsperioden, skal eksisterande traktorveg oppgraderast og nyttast til omkøyringsveg. Omkøyringsvegen skal ha breidde på ca. 3, 5 meter og har ei lengde på om lag 320 meter. Det ligg i dag ei ferist i tilknyting til eksisterande bru, og ved omkøyringsvegen er det ei grind – dette for å sikra at dyr som beitar i området ikkje skal hamna på avvege. både eksisterande ferist og grind skal fjernast og erstattast med nytt i prosjektet, men det er viktig at det til ei kvar tid vert sikra at dyr ikkje kan kryssa desse punkta. Prosjektet er modellbasert med supplerande teikningar.