Intensjonskunngjøring - digitalt verktøy for planlegging, analyse, rapportering og budsjettering.

Ullensvang kommune har behov for å anskaffa eit system som skal integrerast med økonomisystemet Visma. Det digitale samhandlingsverktøyet skal nyttast innan følgjande hovudområde: økonomiplan, analyse, kommuneplan, årsbudsjett, rapportering, verksemdsplan, og politikarmodul. Det er viktig at systemet er eit heilskapleg system for verksemdsstyring i heile organisasjonen og for planarbeid, kor vi kan følgje opp mål, planar, politiske vedtak og tiltak. Systemet skal oppfylla kommunen sitt krav til kommunikasjon, med løysingar for publisering på nett av budsjett, økonomiplan og andre plandokument for å sikre kvalitet, arbeidsprosessar og effektivisering.
Ei undersøking av markedet syner at det berre er ein aktør som kan oppfylle kommunen sine krav til eit digitalt samhandlingssystem. Basert på dei undersøkingane har kommunen konkludert med at Framsikt as si løsying er einaste alternativ som stettar kommunen sine krav og behov per dags dato. Ullensvang kommune har difor til hensikt å inngå kontrakt med Framsikt as etter den 22. 10. 2021, dersom det ikkje kjem innsigelsar på kontraktinngåinga. Viss det er innsigelsar kan desse sendast til Ullensvang kommune via portalen i konkurransegjennomføringsverktøyet (kgv Mercell) eller (info fjernet) innan den 22. 10. 2021 kl. 12. 00.