Intensjonskunngjøring - Digitalt verktøy for budsjettering, analyse og verksemdsstyring - Med delkontrakter

Hå kommune har behov for å anskaffe eit system som skal integrerast med økonomisystem og nyttast innan følgande hovudområder: Kostra-analyser, befolkningsanalyser, demografikostnadsanalyser, budsjettering, økonomiplan og økonomisk rapportering. Systemet skal være eit heilskapleg system for analyse og verksemdsstyring i heile organisasjonen. Systemet skal også oppfylle kommunen sin verdi «open» ved å kunne produsere lettfattelege og informative budsjett-, plan- og rapportdokument for publisering på internett.
Etter ei grundig vurdering er kommunen sin konklusjon at det berre er eit system, Framsikt, som kan tilby ei heilskapeleg løysing som møter dei krava kommunen har. Framsikt kan levera ei heilskapleg løysing for økonomiplanlegging, verksemdsstyring og analyse. Dette inkluderer produksjon av dokument, og gode funksjonar for arbeid med analyse, budsjettarbeid og rapportering, samt publisering av arbeidet.