Introduksjonsprogram Stranda 16/532

Stranda kommunestyre har vedteke å starte busetjing av flyktningar i kommunen. Ein har foreløpig sagt ja til å ta imot 17 flyktningar i 2016, med moglegheit for familiegjenforeining og auke til maksimalt 60 flyktningar over 3 år. Stranda kommune er no i gang med førebuingane. Det har vore gjort avklaringar omkring bustadar og koordinator for flyktningarbeidet er tilsett. Kommunen er pliktig til å gje tilbod om og gjennomføre obligatorisk introduksjonsprogram for flyktningar, men kommunen har ikkje eit eksisterande tilbod når det gjeld introduksjonsprogram per i dag. før kommuna sjølv går i gang med organisering og bemanning for gjennomføring av introduksjonsprogrammet, ønskjer kommuna å undersøkje om det finnst aktørar i marknaden som kan gje tilbod på gjennomføring av introduksjonstilbodet (norskopplæring skal gjennomførast i eigenregi av Stranda kommune) som ei integrert ekstern teneste, i arbeidet for vellykka busetting av flyktningar i Stranda kommune.