Kjøp av Interiørarkitekt-tjenester til innredning av Nybygg og Ombygging av Ål kulturhus

Fastprisoppdrag (forprosjekt)
Fastprisoppdraget omfattar skisseprosjekt og forprosjekt.
Skisseprosjektet omfattar brukarmedverking, idéfase og mogelegheitsstudier. Etter at oppdragsgjever har valt konsept, skal det gjennomførast forprosjekt med møbleringsplan, opplegg for miljøbelysing, romskjema, mengdeoppstilling og kostnadsoverslag. Det må påreknast om lag 3 møter i denne fasen. Reiser og opphald skal vere inkludert i prisen.
Denne delen av prosjektet er estimert til om lag 100 timar og skal utførast til fastpris, j. Fr. Prisskjema (vedlegg 5).
Hovudprosjekt/ detaljprosjekt
Detaljprosjekteringa omfattar utarbeiding av kravspesifikasjon, detaljteikningar av plassbygd inventar, skjemateikningar, tverrfagleg koordinering med totalentreprenør, justeringar/ endringar med meir. Utarbeiding av lyssettingsplan. Vere med å lage konkurransegrunnlag i samarbeid med oppdragsgjevar og totalentreprenør. rådgje kommunen ved henting av tilbod på plassbygd innreiing og ferdigprodusert innreiing og møblar.
For denne delen skal tilbydar oppgje timepris og estimere talet på timar ein reknar med å bruke på jobben. Reise og opphald skal vere inkludert i timeprisen. Sjå vedlagde prisskjema (vedlegg 5).
Kommunen har rammeavtaler med møbelleverandørar som kan nyttast ved innkjøp av møblar og inventar og vil sjølv stå for innkjøp med assistanse frå totalentreprenør og interiørarkitekt.
Tilleggsarbeid timepris:
Dersom det viser seg at arbeidet blir vesentleg meir omfattande enn omtala ovanfor eller det er behov for anna tilleggsarbeid, kan dette godtgjerast etter timesats - når det er avtalt på førehand og godkjent av oppdragsgjevar.
Fullstendig beskrivelse av leveransen følger av Bilag 1 Kravspesifikasjon.