Markedsdialog - Elevtransport Alver kommune

Alver kommune arrangerer, gjennom Den kulturelle skulesekken (dks), eit fast kulturtilbod for elevar i skulen kvart år i planperioden 2021-2024. Ved kulturtilbod som ikkje er i nærleiken til skulane må elevane bli transportert med buss til og frå skulen og dks-tilbodet.
Det er behov for frakt av elevar og lærarar frå 26 barne- og ungdomsskular i Alver kommune kvart skuleår. Det vil ved nokre høve vere behov for fleire bussar til same oppdrag og fleire skular kan ha behov for buss samtidig. i nokre høve han 2-3 skular dele buss.
i tillegg til eit fast, planlagt opplegg som går kvart år kan det bli behov for transport ved andre dks-tilbod som vil variere frå år til år. Dato og tidspunkt for gjennomføring av det faste dks-programmet varierer. Omfanget og tidspunkt for andre tilbod vil òg variere.
Transportbehovet for dks-tilbod vil halde fram etter planperioden 2021-2024, men det faste programmet kan få endringar i form av omfang og destinasjon.
Bestilling av transporttenestene vil bli gjort direkte frå skulen når dato for tiltaket nærmar seg. Ved skular med høgt elevtal kan tiltaket gå over fleire dagar, eller trenge fleire bussar til eit tiltak.