Marknadsdialog Tannteknikk

Sogn og Fjordane fylkeskommune og Hordaland fylkeskommune skal inngå avtale om levering av tannteknikk. Vi tar sikte på å lyse ut ny konkurranse før (info fjernet) ønskjer å få innspel frå leverandørmarknaden på kva vi skal ta omsyn til i konkurransedokumenta og tildelingskriteria. Vi ønsker også heilt konkret innspel til:
-moglege oppdelingar av konkurransen
-definisjon av leveringstider
- utvikling av digital funksjonalitet
-moglegheit for fleire leverandørar å levere tilbod i lag,
Vi ønsker at leverandørar gjer seg kjent med konkurransegrunnlaget og at det nyttast som eit utgangspunkt for innspel til konkurransen.
Format: Digitale møte. Videokonferansesystemet vårt er fleksibelt, slik at det ikkje er naudsynt med eige videokonferansesystem hos leverandøren ( Leverandør kan alternativt møte opp fysisk på fylkeshusa i Leikanger eller Bergen, dersom ønskeleg). Ca. 30 minutt lange møte med kvar leverandør. Leverandør får ca. 20 minutt til presentasjon, mens ca. 10 minutt er avsett til innspel/spørsmål.
Tidspunkt: Tysdag 9 april. Ved stor interesse set vi opp ein dag til.
påmelding: Send epost til (info fjernet) innan fredag 29 mars kl 12: 00 dersom du er interessert i å delta. Etter påmeldingsfristens utløp sender vi deltakarane eit utkast til konkurransegrunnlag, saman med tildelt tidspunkt. i påmeldinga ber vi om at leverandørar som ikkje har erfaring i å levere tilbod, gir oss beskjed om behov for opplæring. Tidspunkt for eventuell felles opplæring vil bli annonsert.
Meir informasjon om oppdragsgjevar og avtalens omfang : Sogn og Fjordane fylkeskommune (sffk) og Hordaland fylkeskommune (hfk) blir Vestland fylkeskommune frå 1. 1. 2020.
Tannhelsetenesta i sffk har 21 tannklinikkar, der 3 er ambuleringsklinikkar, og har om lag 120 tilsette. Administrasjonen i tannhelseavdelinga har 6 tilsette og hovudparten held til på Fylkeshuset i Leikanger.
Tannhelsetenesta i hfk er delt i 6 tannhelsedistrikt, med til saman 48 klinikkar og 400 tilsette. Tannhelseavdelinga si administrasjon med 12 tilsette held til i Fylkeshuset i Bergen.
Tannhelsetenesta behandlar alle med rettar etter Lov om tannhelsetjenesten, rundskriv frå hod, samt vaksne pasientar etter kapasitet ved klinikkane.
Avtalen kjem til å omfatte både kjøp av tannteknikk til prioritert og betalande klientell, og basert på ein førebels analyse av forbruk estimerer vi at avtalen har ein verdi på om lag 10 millionar i året.