Merket for berekraftig reisemål Vest-Telemark

Merket for berekraftig reisemål. Reiselivsstrategi. Vest-Telemark.
Kommunane i Vest-Telemark, Fyresdal, Kviteseid, Nissedal, Seljord, Tokke og Vinje, skal i fellesskap gjennomføre to prosessar knytt til reiselivsutvikling med innbyrdes samanhang.
a. Utvikling av ein strategi for destinasjonsutvikling, eventuelt med konkrete tiltak/handlingsprogram
b. Ein styrt prosess etter Innovasjon Norge sin metodebruk, for å oppnå merket for berekraftige reisemål ((info fjernet))
Begge prosessar føreset kommunestyrevedtak. Kommunane har vald Vest-Telemarkrådet til å samordne og gjennomføre prosessane og dei 6 kommunestyre har nå gjort positive vedtak.
Det økonomiske omfanget for prosess a er om lag 1 mill, for prosess b om lag 1, 5 mill.
For prosess a vil det bli gjennomført ein open konkurranse om oppdraget, publisert på Doffin når nødvendige kommunestyrevedtak er gjort, sannsynlegvis desember.
For prosess b ynskjer Vest-Telemarkrådet å gå i direkte forhandling med vårt lokale destinasjonsselskap, Visit Telemark, med sikte på å inngå avtale med dei så sant det blir oppnådd semje om innhalet i ein slik avtale.
Som grunngjeving for å gå til direkte anskaffing av denne tenesta legg vi til grunn at Innovasjon Norge set som premiss at det lokale destinasjonsselskapet blir engasjert til arbeidet. Uansett vil kompetansekrav frå in måtta leggjast til grunn.
Eit moment i tilknyting til dette er at Vest-Telemarkrådet vil stille krav om prosjektleiar i full stilling over 2 år og at vedkomande er samlokalisert med Vest-Telemarkrådet (kontor blir stilt til rådvelde) i Kviteseid.
Viss det er spørsmål til saka, eller ein vil seie seg usamd i at Vest-Telemarkrådet har rett til å gå til direkte kjøp i dette tilfellet, ber vi om at det blir tatt kontakt så snart som råd og seinast innan fristen i utlysinga.