Ny visuell identitet for Stiftinga Musea i Sogn og Fjordane

Musea i Sogn og Fjordane skal fornye sin visuelle identitet og ynskjer tilbod på ny visuell profil. Arbeidet skal ferdigstillast seinast hausten 2021.
Musea i Sogn og Fjordane vart konsolidert i 2009, men har ikkje fått utarbeidd felles visuell profil. Organisasjonen opplevast både internt og ekstern som utydelig og utan samlande visuelle kvalitetar. Med ein ny visuell identitet ynskjer Musea i Sogn og Fjordane å syne og understreke heilskapen i organisasjonen, og sikre profesjonell og god profilbruk internt og eksternt.
Kva ynskjer vi å oppnå:
- Ein klar visuell identitet med ei hybrid løysing som tek i vare den lokale og faglige identiteten til det enkelte museum og besøksstad, men samtidig syner samhaldet under Musea i Sogn og Fjordane som felles overbygning.
- Ei merkevare som er tydelig på kva Musea i Sogn og Fjordane er og som syner organisasjonen sine haldningar, verdiar og ambisjonar.
- Ein profil som gjer musea attraktive og aktuelle og som snakkar til både tradisjonelle og nye målgrupper/besøkande
- Ein visuell identitet som fungerer godt på alle aktuelle digitale og analoge flater
- Ei profilhandbok med brukarvennlege løysingar, oversikt over identitetselement, døme på implementering og klare reglar for bruk.
Sjå fullstendig skildring av oppdraget i konkurransegrunnlaget som ligg ved.