Nye uppheim

Oppdragsgjevar ønskjer å oppgradere Volda kfuk-kfum sitt forsamlingshus Uppheim, utvikle bygget som kyrkjelydshus for Volda kyrkjelyd og løyse behovet for nytt kyrkjekontor for Volda kommune. Oppgradering skal skje gjennom tilbygg, ombygging og oppgradering av eksisterande bygg. Prosjektet er eit samarbeid med eigaren av Uppheim Volda kfuk-kfum, Volda sokneråd og Volda kyrkjelege fellesråd. Samarbeidet er regulert av ein samarbeidsavtale og vert leia av ei hovudutval med representantar for alle tre partar.
Prosjekteringsarbeidet ein ønskjer tilbod på har to trinn. Trinn 1 er ein revisjon av eksisterande skisseprosjekt og utarbeiding av tilstandsrapport for eksisterande bygg, inkludert kostnadskalkylar.
Trinn 2 er vidare prosjektering: Prosjekteringsleiing med etablering og leiing av prosjektgruppe, Forprosjektering, Detaljprosjektering, Interiørarbeid og Produksjonsoppfølging. Kontrakt for tinn 2 er avhengig av at oppdragsgjevar, på bakgrunn av kostnadskalkylane i trinn 1, finn det realistisk å fullføre prosjektet.
Prosjekteringsarbeidet skal ta utgangspunkt i eit skisseprosjekt datert 31. 12. 2006. Dette skisseprosjektet har eit romprogram med bruttoareal på 899 m2 fordelt på 705 m2 nybygd og 194 m2 ombygd areal.