Nytt golv i gang/hall

Støyping av golv i gang/hall, legging av varmekablar (el-arbeid utført av andre) og flislegging. Situasjon i dag: Rommet er totalt 20 m2, og har l-form, ligg i første etasje. Rommet har betongsole med råkjellar under. Golvet er klargjort ned til papp over betongen, men noko tilpassing rundt veggar/lister må påreknast. Tillate total byggehøgde frå sole til topp flis er ca 14 cm. Alle mål må kontrollerast/verifiserast av utførande bedrift. Teikningar kan sendast viss ønskjeleg Golvtype: Støypt golv på styrofoamplater, med elektriske varmekablar og flis. Flis: Vert kjøpt av underteikna. Det skal gjerast klart for å legge flislister langs veggar på eit seinare tidspunkt. Varme: Varmekablar skal leggast i to separate sløyfer. Innkjøp av varmekablar og elektrikarjobb er ikkje golvleggar sitt ansvar. Det er ønskjeleg, men ikkje naudsynt, at koordinering vert gjort direkte med elektrikar. Andre viktige aspekt: Det er ønskjeleg at jobben vert påbyrja første halvdel av mai månad, viss mogeleg. Andre tidspunkt kan diskuterast. Viktige evalueringskriterium er gjennomføringstid og referansar for kvalitetsmessig flislegging.