Plan- og designkonkurranse: Aasenkvartalet i Volda

Volda Utvikling as (vu) ynskjer i samband med utvikling av Aasenkvartalet å gjennomføre prekvalifisering av deltakarar som er interessert i å delta i ein Plan- og designkonkurranse om utvikling av området. Tomteområdet er på ca. 22 dekar. Ein tenkjer seg området utvikla i 3 byggetrinn realisert i løpet av ein 10-års periode. Byggetrinn 1 omfattar eit nybygg på tomteareal tilhøyrande dagens Ivar Aasen bygg som er eigd av Volda kommune og som ut frå tilstandsrapport er planlagt å skulle rivast.
Det er utarbeidd eit førebels romprogram for det som skal inn i byggetrinn 1. Resten av arealet skal visast som framtidig kontor/næringsareal. Mulighetsstudien viser ei utbygging på om lag 32 000 m2 bta + parkeringskjellar under terreng. Dette vil vere retningsgjevande areal for forventa leveranseomfang i konkurransen.
Volda Utvikling ber kvalifiserte arkitektselskap, sjå pkt 1. 14, søke prekvalifisering for å delta i denne konkurransen. Etter denne prekvalifiseringsfasen, Fase 1, vil prosjektet i Fase 2 bli organisert som ein Plan- og designkonkurranse i to ulike fasar.