Regelbasert alarmhandteringssystem for Tysnes kommune

Tysnes kommune byggjer nytt omsorgssenter, med planlagd ferdigstilling hausten 2017. Entreprenør er Skanska. Omsorgssenteret har tre sjukeheimsavdelingar med ti bebuarrom kvar, totalt 30 bebuarrom. i tillegg er det ti omsorgsbustader og åtte dagplassar på senteret. Tysnes kommune ynskjer eit moderne skalerbart regelbasert alarmhandteringssystem som skal vera ein plattform som samlar all alarmhandtering for sjukeheim, omsorgsbustader, heimehelseteneste og bufellesskap i kommunen. Dei tilsette skal kunne nytta eitt grensesnitt som gjev tilgang til all informasjon, oppgåver og tilgangar dei treng for å gjennomføra arbeidet med minst mogleg tidsbruk på administrative oppgåver og mest mogleg tid på pleie.