Reparasjon av erosjonsutsett sti i jostedalsbreen nasjonalpark, sogn - og fjordane

Konkurransen gjeld Reparasjon av erosjonsutsett sti i Jostedalsbreen Nasjonalpark, Sogn og Fjordane. For å hindre erosjon og kanalisere trafikk av fotturistar skal ein i 2010 traue ut og steinsette ei strekning om lag på 500 meter på stien til Skåla - Skålatårnet i Loen. Tiltaket føregår frå 950 moh? 1140 moh. Kart over område er vedlagt.
Arbeidet vil starte i slutten av juni 2010 og halde fram utover sommaren. Ein anslår arbeidet til om lag 450 timar.
Arbeidet skjer i ein nasjonalpark, noko som set strenge krav til gjennomføringa. Sjølve stien er både del av eit kulturminne og ein mykje nytta ferdsleveg for mange brukarar av nasjonalparken. Difor er det viktig at sluttresultatet vert godt, både for naturen og terrenget som stien går gjennom, og for funksjonalitet og estetikk til sjølve stien. Dessutan bør ein også medan arbeidet føregår, i den grad det er mogleg, tilstreve å unngå unødig støy og anna som bryt med det brukarane ventar seg i ein nasjonalpark.
Anna personell i Skålastiprosjektet vil jobbe med å revegetere stiar som har etablert seg parallelt og som ein ynskjer å fjerne. Desse personane vil vere til stades undervegs i arbeidet og med si erfaring ha eit overordna ansvar for å gje retningslinjer ved revegetering. i så måte står desse for byggjeleiing.