Restaurering og utbetring av del av Keisar Wilhelms sti i Briksdalen i Stryn, 2021.

Jostedalsbreen nasjonalparkstyre har fått utarbeidd plan for restaurering av den gamle ridevegen til Briksdalen i Stryn kommune (sjå vedlagt rapport), og ynskjer å starte restaureringsarbeid i tråd med tilrådingane i rapporten våren 2021.
Arbeidet som skal gjennomførast vil m. a. Bestå av:
1. Rydding av skog langs stitrasè
2. Forme profilen på stien, med tilført pukk, slik at vatnet ikkje samlar seg og grev vekk massar
3. Lage stikkrenner for å kontrollere vatnet og lede det vekk
4. påføring av nytt toppdekke (grus 0-16 mm)
5. Sikring av blottlagt terreng med heller og torv
Stien er 365 meter frå stikryss nedanfor Kleivafossen og opp til brua ved Kleivane. Restaureringsarbeidet på heile stien er stipulert til om lag kr 700 000, -.
på grunn av avgrensa midlar gjeld denne konkurransen dei nedre 180 metrane av stien. Dette arbeidet skal gjennomførast før i 1. Juli 2021. Om finansieringa av resten av stien fell på plass i løpet av året vil vinnaren av denne konkurransen ha opsjon på restaurering av den øvre halvdelen av stien hausten 2021.