Røyrleggjartenester VA - parallell rammeavtale

Bjørnafjorden kommune vil inngå parallell rammeavtale med inntil tre leverandørar om løpande oppdrag innan røyrleggjartenester knytt til va-området, forutsett at det i konkurransen kjem eit tilstrekkeleg tal eigna tilbod frå kvalifiserte tilbydarar. Rammeavtalane har som føremål å forenkle anskaffinga av mindre oppdrag og hasteoppdrag, der eigen konkurranse vil bli forholdsmessig ressurs- og/eller tidkrevjande. Oppdrag under rammeavtalane vil derfor omfatte dei arbeida som ikkje lysast ut som eigen konkurranse. Kva for arbeid som lysast ut som eigen konkurranse avheng mellom anna av arbeida sitt omfang og karakter. Avtalen spesielt berekna å gjelde oppdrag og vedlikehaldsarbeid for utvendig leidningsnett for vatn, spillvatn og overvatn, i tillegg til andre va-installasjonar som t. d. Pumpestasjonar etc. Oppdragsgivar skal ha ein rett, men inga plikt til å nytte rammeavtalen. Etter dette kan Bjørnafjorden kommune gjennomføre eigne konkurransar for oppdrag der ein finn det mest føremålstenleg. Enkelte oppgåver vil dessutan kunne løysast gjennom eigenregi.