Samarbeidsavtale med Bergen kommune om drift og vedlikehald av vatn og avløp.

Bjørnafjorden kommune har til intensjon å inngå samarbeidsavtale med Bergen kommune om drift og vedlikehald av vatn og avløp. Samarbeidet omfattar vassbehandlingsanlegg, avløpsreinseanlegg, avløpspumpestasjonar, trykkøkingstasjonar, høgdebasseng, leidningsnett og #URL0# beredskap innanfor vatn og avløp er viktig for kommunen og innbyggjarane. Vi må kunne levera trygt og sikkert drikkevatn året rundt og ha ein døgnberedskap for å kunne takle akutte hendingar. Difor er det særs viktig at det er ein leverandør som drifter alt innanfor området for å ha ei trygg vassforsyning og avløpshandtering. Etter anbodskonkurranse i 2014 har kommunen hatt kontrakt med Bergen vann kf, no avdeling i Bergen kommune. Det var ikkje fleire tilbydarar den gongen og vi kan heller ikkje sjå at det no er andre aktuelle leverandørar som kan utføre heile oppdraget. Vi ser det difor som føremålstenleg å fortsetje samarbeidet med Bergen Vann. Vi ser på dette som eit offentleg-offentleg samarbeid.