Skisseprosjekt og prosjektleiar for ombygging/tilbygg skule og samlokalisering av helsetenester

Innbyding til open konkurranse - prosjektleiing og utarbeiding av skisseprosjekt nbu - friskhus
Naustdal kommune innbyr til open konkurranse for utarbeiding av skisseprosjekt og bistand til prosjektleiing i samband med planlegging av rehabilitering/nybygging av spesialromfløy Naustdal barne- og ungdomsskule (nbu), samt behovs- og løysingsutgreiing med funksjonsprogram for rehabilitering /nybygg helsesenter, moglegheit for samlokalisering av helsetenester, med sambruk av planlagde spesialrom ved nbu.
Rom-/areal- og funksjonsprogram for helsetenester, og moglegheit for sambruk av areal med nbu, vil danne grunnlag for vurdering om prosjekta skal drivast vidare i lag eller kvar for seg,
Prosjektleiar vil vere rådgjevar for den administrativt ansvarlege for prosessen, og ei støtte for prosjektansvarlege i administrasjonen.
Prosjektet er planlagt med oppstart juni 2011, og ferdigstilt med utarbeida skisser og rapport til politisk behandling i mars 2012.
Det blir halde informasjonsmøte der det vil bli gjort nærare greie for oppdraget, og med høve til å stille spørsmål. Referat frå møte vil bli sett på som ein del av konkurransegrunnlaget. Informasjonsmøte blir halde ved Naustdal kommunehus den 26. 04. 2011, kl. 13. 30.
Frist for innlevering av tilbod er sett til 06. 06. 2011, kl. 12. 00.