Taklegging

Eg skal legge nytt tak på eit hus frå 1957 og skifte ut dei noverande eternitthellene på 35 x 35 x 0, 2 cm. Det er intakt tjærepapp under hellene. Hovudtaket er eit skråtak med relativt stor helningsvinkel, med ei flate på til saman ca. 100 m2 (to sider à 5, 4 x 9, 3 m). Den eine sida har eit løfta parti (ei såkalla ark) på ca. 17 m2 som inngår i dei totale 100 m2. i tillegg kjem tak på eit svakt skrånande tilbygg på ca. 21 m2 (3, 7 x 5, 6 m). Det totale arealet som skal dekkast er altså på ca. 121m2. Eg er usikker på kva slags tak eg skal satse på, men tar gjerne imot anbud på to ulike alternativ (for eksempel takshingel og lettare takpanner). Sidan taket har stor helningsvinkel, ser eg for meg at takdekket ikkje bør gi eit for massivt inntrykk. i tillegg til takplatene ønskjer eg beslag på eksisterande pipe, samt nye takrenner (horisontale renner på 2 x 9. 3 m = ca. 19 m, nedfartar på til saman ca. 20 m). Eg bed om at fjerning av dei gamle hellene blir spesifisert i anbudet, då eg vurderer å gjere denne delen av jobben sjølv. Men mest truleg vil eg også sette bort dette arbeidet.