Tenestekonsesjon - Breibandutbygging Naustdal sentrum vest

Naustdal kommune, heretter kalla oppdragsgjevar, skal starte utbygging av eit framtidsretta breibandnett i Naustdal sentrum Vest (heretter kalla «sentrum vest»). Kommunen vil her gje eit vederlag for å få utbygd breiband i sentrum vest. Dette er såleis ei tenestekonsesjon der utbygger får eit tilskot for å byggje ut breiband og får retten til å utnytte tenesta, sjå her definisjonen i forskrift til lov om offentlege anskaffingar (foa) § 4-1, 1. Ledd bokstav e). Ved at dette er ei tenestekonsesjon vil ikkje forskrift til lov om offentlege anskaffingar gjelde, jf. foa § 1-3, 2, ledd bokstav j). Lov om offentlege anskaffingar (loa) vil gjelde og dermed også dei grunnleggjande krav til innkjøp i loa § 5. For å ivareta desse krava har oppdragsgjevar valt å følgje reglane i foa del ii for kjøp under eØs-terskelverdi.