Tilvisningsavtale Lom kommune

Utleigebustadar søkast i Lom sentrum, Fossbergom, for tilvisingsavtale med Lom kommune og finansiering gjennom Husbanken. Lom kommune ynskjer å inngå tilvisingsavtale med firma som har som formål å eige, forvalte og leige ut bustadar. i Lom sentrum, Fossbergom, søkast fylgjande utleigebustadar: • 4 stk. 2-roms (ca. 35 – 50 kvm) • 2 stk. 3-roms (ca. 50 – 70 kvm) Tilvisingsavtalen gjev kommunen tilvisingsrett til alle bustadane i prosjektet, men avtalen vert avgrensa til maksimalt 40 prosent av bustadane til kvar tid. Dersom kommunen ikkje har behov, kan bustaden leigast ut i den opne marknad, i samsvar med fristar som er angitt i avtalen. Det er huseigar som inngår leigekontrakt med den enkelte bustadsøkar. i prosjekt med fire bustadar eller færre, har kommunen tilvisingsrett til alle bustadane. For nærare informasjon om utleigebustadar med tilvisingsrett, sjå (info fjernet). Ved etablering av utleigebustadar med tilvisingsavtale gjennom nybygging, ombygging eller kjøpsprosjekt, kan det søkjast om lån i Husbanken til heile prosjektet. Husbankens krav til kvalitet er samanfallande med byggteknisk forskrift. For nærare informasjon om lån til utleigebustadar, sjå (info fjernet). Ved val mellom prosjekt vil kommunen leggje vekt på beskriving av utleigeselskapet, husleigenivå, tidspunkt for ferdigstilling, beliggenheit, nærleik til skule/barnehage, nærleik til bussforbindelse og plan for forvaltning/bumiljø. Bustadutbyggjarar kan tilby leilegheiter i fleire prosjekt og dei må sjølve skaffe tomt til prosjekta. Tidsfrist: Interessentar bes om å henvende seg skriftleg til Lom kommune, Servicesenteret innan 30. 09. 2024 kl. 14: 00. Tilbodet må innehalde: Beskriving av utleigeselskapet, firmaattest, fasadeteikningar og situasjonsplan. All innsendt dokumentasjon frå tilbydarar vil vert handsama konfidensielt fram til eventuell avtale er inngått. Spørsmål kan rettast til Øystein Brandsar på epost (info fjernet).