Totalentreprise Nytt tak Ågotnes barneskule

Ågotnes barneskule ligg på Ågotnes i Øygarden kommune. Skulen blei oppført i 1981, men har vore gjenstand for fleire ombyggingar og utvidingar, den seinaste i 2005.
Skulen har ca. 340 elevar og kring 45 tilsette.
Oppdragsgjevar ønskjer pris på riving, reparasjon og tekking med ny takstein med tilhøyrande system på store deler av taket på skulen. Det totale omfanget av takarbeid er på omlag 5000 m2. i tillegg er det i konkurransen lagt inn ein opsjon knytt til ny fasadekledning på delar av bygget i sør.
Prosjektet vert organisert som ei totalentreprise etter ns 8407.
Tiltaket er beskrive i vedlegg 3- prisskjema med mengde- og funksjonsbeskriving i konkurransegrunnlaget. Der vert det skildra nærare kva slags element som skal fornyast og prisast i tilbodet.
Det aktuelle bygget inneheld ein barneskule, med tilhøyrande gymsal og symjehall.
både skuledrift, sfo, og drift av symjehall må oppretthalda normal drift under utbetring, og arbeidet må derfor planleggjast med tanke på dette. Konsekvensar av dette skal være inkludert og prisa i tilbodet.
Totalentreprenør må som ein del av tilbodet sitt legge fram ein forenkla framdriftsplan der han angir mogleg oppstarts- og ferdigstillingsdato.