Totalentreprise utviding Stranda skule

Stranda skule har ei utfordring knytt til arealkapasitet for elevar og lærarar. Prosjektet med å utvide Stranda skule består av fleire element. Generelle læringsareal skal aukast ved tilbygg, eksisterande klasserom skal byggast om til lærararbeidsplassar og ballbinge skal flyttast. Denne konkurransen gjeld berre utvidinga av generelle læringsareal ved eit tilbygg til skulen. Skulen skal byggast ut med 6 klasserom med tilhøyrande grupperom, garderobe og nærlager.
Norconsult har vurdert ulike stader for lokalisering av eit tilbygg. Kommunestyret har vedtatt at plassering og prinsipp for utbygginga skal følgje alternativ B2a i Norconsult sin rapport. Sjå vedlagt rapport frå Norconsult, del 2 vedlegg 1a. Sjølve utforminga på bygget og plassering av funksjonar vert ein del av tilbodskonkurransen.
Fast inventar skal leverast av totalentreprenøren, medan laust inventar skal leverast av byggherre.
Oppdragsgjevar tar atterhald om endeleg politisk godkjenning av prosjektet.
Entreprenøren skal gje tilbod med komplett løysingsforslag.
Skildring av leveransen følgjer av konkurransegrunnlaget del 2.