Transport av dagpasientar

Anskaffinga gjeld kjøp av persontransporttenester til og frå kommunen sitt dagsenter for demente (Gamleheimshagen). Os kommune søkjer leverandørar som kan ivareta transporten av brukarar til og frå dagsenteret på ein god måte. Transporten til og frå dagsenteret vert sett på som ein integrert del av dagsenteropphaldet. Med dette meinast at transporttenesta, på lik linje med tenesteopplevinga av opphaldet på dagsenteret, må opplevast som trygg, føreseieleg og tenleg for brukarane. Os kommune ynskjer tilbod på transport av dagpasientar til/ frå Gamleheimshagen frå/til heimeadressa ulike stader i Os kommune. Vi ynskjer også tilbod på fastpris på bestillingsturar utanom fast køyring. Det er særs viktig at transportør er presis for å unngå å uroa pasientane. Leverandøren må dokumentera tilstrekkeleg materiell til å kunne sikra køyringa, også viss det planlagde køyretøyet/sjåfør ikkje kan (back up).