Utbygging av mobildekning

Vaksdal kommune ligg sentralt til mellom Voss og Bergen. Stamvegen mellom Bergen og Oslo, E16 går gjennom store delar av kommunen og gjev effektiv kommunikasjon mot aust-vest. Vaksdal kommune har eit areal på 738 km² og er 5. Største på areal i Hordaland fylke, og har 4173 innbyggjarar. Naturen i Vaksdal varierer frå høgfjell og dalar til djupe fjordlandskap.
i delar av kommunen er det i dag manglande mobildekning med bakgrunn i utfordrande fjell- og fjordlandskap.
Store delar av Eksingedalen samt Nordgrend (nordsida av Osterøy v/Stamnes) er i dag utan mobildekning. Desse områda er ikkje aktuelle for privat utbygging. både husstandar, næringsliv og offentleg drift vil verta dekkja av ei utbygging i desse områda.
Mobildekning er i dag ein føresetnad for busetjing, utvikling og vekst. i Vaksdal Kommune er det fleire område utan mobildekning. Manglande mobildekning er krevjande for fastbuande i eit moderne samfunn basert på tilgang til denne type infrastruktur.
Mobildekning for alle innbyggarar er i dag eit nasjonalt mål. Manglande dekning for mobil er utfordrande for eksisterande næringsliv og kan hindre vidare utvikling og vekst i bygdene.
God infrastruktur i form av god mobildekning og breiband kan legge til rette for å etablere bedrifter og arbeidsplassar i bygdene våre.
For den kommunale tenesteproduksjon er manglande mobildekning ei utfordring. Barnehagen, barne- og ungdomsskulen i Eksingedalen har i dag ikkje mobildekning. Kommunale- og fylkeskommunale vegar er utan dekning. Omsynet til beredskap i desse områda veg og tungt for kommunen.
målsetjinga til Vaksdal kommune med anbodet er å gjennomføra utbygging for å sikra mobildekning for alle innbyggjarar og næringsliv i dei områda som er inkludert i konkurranegrunnlaget.
Vaksdal kommune ynskjer leverandørar som aktivt bidrar til å oppnå alle målsetjingar innanfor dette konkrete prosjektet og dei gjeldande områda.