Øysteseheimen, Velferdsteknologi

Føremålet på lang sikt, og i denne konkurransen er å få eit moderne, skalerbart, regelbasert alarmhandteringssystem som skal vera ein plattform som samlar all alarmhandtering for sjukeheimar, omsorgsbustader, trygdebustader, pu-bustader (psykisk utviklingshemma) og heimehelsetenesta i kommunen. Dei tilsette skal forhalda seg til eit grensesnitt som gir dei tilgang på all den informasjon, oppgåver og tilgangar som dei treng for å gjennomføra sitt arbeid med minst mogleg tidsbruk på administrative oppgåver og mest mogleg tid på pleie.
Innovativ bruk av posisjoneringssystem skal automatisera arbeidsoppgåver, forenkla logging ved å automatisk fylla inn informasjon om tid, stad og identitetar, og kobla pleiar og pasient for automatisk oppslag i elektronisk pasientjournal for å henta ut pasientdata, pleielister og annan informasjon.